2009年品酒回顧(一)

還有不過幾日一年又過去, 今年飲過的酒相當多, 超過500款(不計tasting event 試過的)也是起碼.

第一次寫回顧, 入選的好酒相當多, 但失望的也不少。

簡單給今年飲的酒做個短評:

年初開始入手Burgundy white, 發現了Lafon 和 Ramonet 這兩大巨星.

但再探究下去原來也有不少地雷, 木桶水的酒比比皆是.

Aged 的Burgundy white 係味都有陣益力多/芝士味? 我就不太喜歡.

Red Burgundy 中雷太多, 越飲越迷網, 但兩支老紅布又令我回復信心.

果然Burgundy 是最令人驚喜的地方, 也是最令人失望的地方!

新年份的Red Bordeaux 依然飲得乏味, 多半飲過便忘記.

但飲下的aged 的Bordeaux原來可以好classic, 終於體會到點解咁多人會追Bordeaux.

Dry white Bordeaux 依然不是我杯茶, cat piss, glassy, oaky favour, overprice.

Chablis 的mineral 可以好好飲,Raveneau 相當出色, 不過好貴, 一般貨仔香港唔易買, 下年會繼續追

今年飲過哂LALALA, 真係冇支比到驚喜我, 仲諗住會買少的Rhone, 但飲完Rayas, Chapoutier 同Pegau之後又唔同講法, 下年要開始多發掘下Rhone (red only).

Rhone 白真係飲完就算, 未飲過一支好飲, low acidity , fat, rich....

Champagne 其實係臥虎藏龍之地, 飲過Jacques Selosse 既作品就知, 不過又係好貴, 同埋我發現自己唔多鐘意好full body 既檳, 所以Krug 唔會係我追既酒.

講左咁多French wine, 其他酒都好少提, 但其實意大利既Barolo 同 Brunello di Montalcino 都係好野, 有兩支酒不得不推薦! (會在下篇提及)

今年仲試過的意白, Gravner 失望, Les Cretes 就有驚喜!

澳洲既都試過的, 白既就真係冇邊支得, Leeuwin estate, Giaconda , Mount Mary 既Chardonny 都唔ok!

澳紅一定要提Bass Phillip, 新飲佢的酒真係會酸到開眼, 但飲到佢既Premium 94, 93 又ok wor, 不愧為No.1 澳洲 pinot!

年尾開始大手買入德白, 發現另一個大寶藏! Egon Muller 應該係German No.1 ! 仲未飲到有其他德酒可以比得上的!下年要繼續追!

唔覺寫左咁多, 惟有用今年既Wine of the year 作結, 其他要推薦的酒和失望的酒要留待下次!

十分貪心的一選便有三支, 可能是各有其嬌吧!

左邊的是DRC La Tache 70

中間的是Ramonet Montrachet 04

右邊的是Egon Muller Auslese 07 (AP#07)


La Tache 的label 早己失去, 但這是我第一次飲的DRC, Burgundy 中早已嚴重overprice 的Brand!
一支39年的酒其實早已過了她的高峰, 已是夕陽西下的她仍然散發着混然天成的餘韻, 令當晚其他的酒顯得俗不可耐!

Ramonet Montrachet 是我今年買下最貴的一支酒(當然要籌旗), 試過佢既94其實有點失望,
而04的complexity 又沒有想像中那麼高, 入口依然重油感, 但aftertaste 係我試過咁多酒最長的一支, 5分鐘後甘香仍然停留在口中不散, 第一次覺得咁貴都係值!

試呢支Egon Muller 之前已經飲過佢的平價版, Spatlese 已經做得十分出色, 但一飲到呢支便明白點解會貴成3倍! 一支新酒都可以展現到佢huge structure, 4 個小時既開瓶中她不斷變化, 到peak 時她的礦物感就像噴泉不斷湧出, 精彩得整個人也呆了!


仲有其他酒想講, 留給下一篇!

年年是好年

“月有陰晴圓缺, 此事古難全”, 明明天氣應該如女人的心情一樣, 經常起伏不定; 陰晴應如日月盈虧般, 生生不息, 週而復始才是, 但近幾年一到葡萄收割的季節, 我們為何總會聽到又是好年的喜訊?

終於忍不住揭一揭手上本decanter 雜誌, 關於Medoc crus classes 既vintage comment:
2006: looked tough at first, but have put on flesh since. A very good year
2005: Grand, serious wines. Tannic but balanced and harmonious. A great year.
2004: Refreshing wines with good balance and classic flavors
2003: Short, chunky wines, often with dry tannins. The best are drinking well.
2002: Tannins can be green and dry out but the best are very good.

打左咁耐, 經常見到既多數係very good, great, 差少少就係classic.
02至05 red Bdx 都飲過少少, 其實好難比comment, 因為好多Red Bdx 都需要長時間的陳年才能現其真身。現在飲, 多半結果會是舌上染滿丹寧, 味覺全然麻痺了, 最多只能說老掉牙的話:放多幾年飲會更好! 但成日都見到呢的 "好"“非常好” 既字眼, 好似一落樓下就會見到靚女咁, 係咪真係咁多個奇蹟?

“夏天的連綿大雨伴隨着的寒冷天氣令葡萄的熟成大受影響, 到了九月頭的收割季節, 就在大家都開始絕望時, 九月中開始天氣突然出現了戲劇性的變化, 超長的日照和乾爽的天氣再次重臨,收割的葡萄質數令人大感驚喜”

以上的vintage report 純粹老作, 但年復年年的奇蹟看得我有點膩, 童話畢竟是給小朋友看的. 對酒商而言, 以上的話畢竟是一劑驚風散吧, 酒價年年的跌下去可不是說笑的. 波爾多一個酒莊一年生產10萬支是等閒事, 幾千個酒莊都在同一時間釀酒, 出貨, 一個差的vintage report(尤其是 Robert Parker的) 好像給酒莊們判了死刑一樣, 所有的釀好的酒都要留在貨倉裡waiting to dry out。

再說, 我們真的需要那麼多好年嗎? 白酒遇到好年份還好一點, 但當紅酒有足夠的丹寧結構去陳年時, 新飲便多半不太enjoyable 了! 再者, 什麼是酒的年份?一年過去, 葡萄經歷過的風風雨雨也是時候要總結一下了, 你期待的是年年完美的時光嗎? 天氣總有不定時, 酒農們的努力這時便顯得重要了, Clos des Papes 的莊主 Paul Vincent Avril 說得好: 酒農的職責是盡力釀好酒, 即使碰上不如意的天氣, 收割時遇到大雨, 也應嚴選葡萄, 去表現當年特有風味的酒, 即使質素未能與偉大年份相提並論。酒是年份的印記，無論好壞與否, 只要盡力去過, 日後它總會承載着甘美的記憶, 去讓我們細心品嘗。

人生又可嘗不是這樣微妙?

酒評

寫左幾篇關於酒既文章,自己都會問, 做乜唔認真少少寫酒評?

出tasting note 唔係難事, 只要跟格式做便可, 有什麼nose/palate/body/aftertaste, 有點像填表一樣, fill in the blanks 便可。有什麼果味, 飲得多其實萬變不離其中, Cab Sau 總不會出香蕉/波蘿味吧! 怎樣寫得好, 寫得精彩, 是另一門學問, 沒有文采的我還要多花時間練習。

其實懶一點的話, 打rating就更加方便, 一個數字/星星數便完事。Comment 再多再精采, 恐怕記得的人不會太多, 尤其是在茫茫酒海中! 一個分數,簡單易明. 在長長的wine list 中看找一個高分去買去試實在方便之至。

我最近都惹上了個壞習慣, 看電影前總愛到IMDB去看一看rating, 不到7分者, 要我上網去download 也懶, 畢竟看電影也要花上不少精神和時間, 別人的comment 總有一點道理吧!飲酒也一樣, 在網上的酒價單見到RP 83 你又會否自動轉移線到高分一點的酒上? 好多時飲酒是大夥朋友一同出來的, 如果你的酒又湊巧是RP 83分, 你會不會有去忘記這分數的想法?

電影還好, 分數高和戲票價沒有關係。酒價可不是這樣了, 只要有RP 的高分數, 價錢便不會平得到那裡。大家銀根有限, 分數與價格比便是抵飲指標。買着買着, 有時真不知是為了一試好comment/rating 而買了, 想起我初買酒時真的會細讀TN 的! 分數反而沒有多用心理會。

但酒label既背後又點只有一個rating 咁簡單? Rating 可說是雙面刃, 我們容易知道了酒的大概, 但同時又令我們失去了飲酒的細節。可是現在每年出產的酒款保守估計也有過萬吧, 我們能飲到的又幾多? 即使千挑萬選, 若只看comment, 未飲之前也費了不少心力了。 還不要忘記酒評家不只一人啊, 酒評家給的分數有時又不是那麼實在:左看右看, A 給89分, B 給88-90 分, 你要信那一個才好?

試過自己在酒聚中也來給酒評一下,一次同一酒莊或同一地區的出品或者尚好給分, 一有一支香檳或其他酒款出現便麻煩了! 很難有個基礎去評 (可能是自己飲得少吧!) 。幸好累積多點飲酒經驗後, 發現大多高分酒反而未到適飲期, 近期最佳例子是: 01 Robert Groffier BM 比 Cdb 低 一分1( 89 vs 90, from AM), 但現在好飲的竟然是低分的一支! Cdb 現在飲finishing 幾苦, BM 雖然比較thin and simple , 但飲得舒服!

所以大家對高分酒不要太高期望! 酒評/分數其實不過是別人的尺, 你心中的一把才是最重要.簡單一句:高分酒要等, 稍低分一點的,可以飲了!

百酒一味

遲左寫…今次講得technical的, 見諒.

越飲得多真係越覺, 特別係2000之後既酒, 支支的味都分別不大. 我曾經懷疑自己既功夫是否未到家, 冇能力分別邊支係Burgundy,邊支係Bordeaux. 但飲落又奇怪, 新年份的 Bordeaux 點解都係偏向black current 既呢?03 GPL 同 周伯通真係唔易估到地區, Talbot 仲好少少, 有的St-Julien feel, 你話St-Emilion 個的點算?支支拖肥, vanilla, chocolate….唉. 支93 Canon 雖然身子弱, 好快謝, 但nose入口都叫elegant,去到99 Figec 就已經…最近飲過既pape clement 98 都唔好得去邊, 雖然finishing係出番的cigar/mineral 既grave 風格, 但都係black current dominant…

03 同05的紅Bur 就更加明顯, blind tasting有的酒友真係估係一支shiraz … pinot 既天然酸味都失蹤了。03既acidity 低都叫解到畫, 因為比熱浪侵襲, jammy, harsh tannin 都預左, 但05號稱絕世好年(雖然好多酒而家都close 左),都可以好black current, low acidity同 vanilla, 實在比佢玩死…. Domaine Bertagna ,Alain Burguet 都可係呢方面既表表者, 酒係冇錯佢地可以而家ready to drink, 但的ripe tannin 令人估唔到佢仲係一支Burgundy. 法國酒, 特別係Burgundy 強調的 Terroir 去左邊? 唔通而家的人鐘意飲黑加侖子汁?

舊年份的酒, 唔通真係好的? 定係真係的酒未熟搞成咁? 最近試過既G. Roumier 89 CM 村酒都仲可以好好飲, 雖然的香味冇哂Pinot 既violet花香, 但入口相當smooth, tannin well integrate, what a classic! 當然唔係人人都buy 老酒個種跌打酒/茶香,而好多aged Bordeaux 既味其實都分別不大(唔好講最top 個的), 果味仲要好多都走得七七八八, 但起碼飲得舒服, 亦唔覺有over-extraction 既痕跡係度, 呢的新年份既新派酒, 我就真係要同佢地的陳年能力打個問號, 可能第時佢地同的napa 酒一樣, age 左, 果味失蹤但木味猶在。

紅酒專家

我十分討厭這個稱呼. 開始飲葡萄酒差不多有兩年的光景, 紅/白/甜/汽/加烈酒,都試過了一點. 所以每當朋友,同事們問起我有什麼嗜好, 我總會毫不猶豫的答:葡萄酒. 可惜聽完這個陌生的答案後, 他們多半會加一句: “咁係咪紅酒啫?” oh my god! 白葡萄真是可憐, 一塊天生的青色皮膚竟令它落得如斯田地. 青色不是罪啊, 看看全球有四分一人是黃種人,我們總不可以說白/黑人不是人吧! 更可況的是,不是人多就是 “話得事” 的呢! (一笑). 當然, 我知道大部份人(要阿Q精神一下) 都是不清楚葡萄酒是何方神聖, 聽到如此答案, 我惟有賣力擠出笑容, 替白酒作一小平反: 其實白酒也很好喝的!

實在不知何時大家都開始”紅酒, 紅酒”起來, 只見到雜誌, 報紙越來越多紅酒的報導, 加上年前股市大旺時,連紅酒也被炒作起來, 成為另一保值工具, 連報紙的投資板也談起紅酒, 紅酒真的紅起來了! 現在喝紅酒好像是潮流一般, 起碼嘴巴最少說到幾種紅酒名釀(e.g. Lafite) 才叫 “識貨”. 白酒呢? 天可憐見, 即使在各大酒行, 它只能躲在幾個小角落, 生怕別人看到會出醜似的. 在各大媒體中介紹白酒的篇幅也只像某甲跳樓的報導一樣, 一眼掃過便不見了(連是誰跳樓也沒留意), 你是要和人說你喜歡白酒, 人們真的不知怎回應你好呢!

試過有次朋友介紹我給其他人的時候, 他們真的會用這個稱呼, 真的WTF! 姑勿論自己連半個”專家” 的名也靠不上邊 (雖然心裡不禁飄飄然), 但要”硬食” 一個像 “靚模” 一樣惡俗的稱呼實在吃不消, 我又惟有很突兀(根本無必要澄清,反正人們不知怎回應你)的加一句, 其實我也懂一點白酒的!

酒的適飲期

呢兩三個星期都冇寫, 快的寫番的先. 


葡萄經過發酵,浸皮, 過濾等等的過程後, 終於入樽, 等待着我們的享用
它還年輕, 像初生嬰兒一般, 我不時會望着酒內的液體, 幻想它成熟時的美艷,它如何的不可方物, 它會怎樣動憾我的心靈, 如同性幻想一樣, 總不會想認為對方是性冷感的吧! 打開它之前一刻還滿心期待, 期待着它在杯中怎樣盛放, 怎料一下杯, 只見大門重重深鎖, 門後的鮮花, 紅/黑果實, 統統被壓在五指山下, 嬌建如孫悟空也只好長嘆一聲。
類似的經驗試過太多太多了,在剛開始學飲酒的時候的確碰上無數的璧,那時還以為自己理解力有限, 或者是不懂待酒, 才會招致如此田地. 當時買酒多數求 “穩陣”, 多半買的是波爾多列級酒,卻不知道有質素的波爾多多數要成熟了才好飲,太早品嚐, 多半滿口丹寧, 味如嚼蠟。 有不少人提議用decanter 可以快點令酒”甦醒” 起來, 但其實decanter 這回事, 不過是減少一點杯中等候的時間吧, 一支05年的clos du marquis放在大號的decanter 是不會變出什麼法術來的, 三小時後它仍然會硬如鐵石, 入口只有嘆息。我還是相信如果酒有時是可以很頑固的, 無論你怎麼用力敲門, 它不開給你就不開, 你只能在門外幻想一下它成熟的模樣, 期望它十年, 二十年後它終於會心軟下來….
既然飲新酒可以如此不快,那麼只買老酒便可解決問題了?可惜, 酒的生命也是”女大十八變”, 可以各有各性格, 這一支可以是大家閨秀, 金支玉葉, 明明長成了卻仍十分害羞, 不肯以真面目見人. 另一支卻已人老珠黃, 年華老去了. 酒友們常說遇到好酒是緣份, 不由你不信, 要信 “there are only great bottles, not great wine”! 

先從買/飲酒說起

香港人實在幸福, 葡萄酒稅都已豁免了. 真的想像不到,兩年前剛開始買酒時, 80%的稅是多麼的crazy! 以前見到fine wine, 知道大部份的酒價都在稅中, 即使想買也為之欲步,現在行經酒鋪,見到某些fine wine 的酒價仍比起網上的貴上不知多少, 不禁驚訝大富的人多如天上星, 可以買酒不問價錢. 有需求才有高酒價, 現在大陸人富起來了,想買平酒困難了不少. 免了稅, fine wine價沒有回落, 實在始料未及. 
說回香港人的買/飲酒習慣, 就我所見, 捨得買的人俯拾皆是: Leroy, Lafite, Grange, lalala 等名酒見到有好價多半不會吝嗇去買, 但到捨得開已經少了一截 : 飲一支少一支, 呢支又好難搵, 呢支又太新,未飲得. 能擠出飲的時間就更少了. 當然, 有很多稀有的酒款是要盡快收藏, 不然數年過後要用好價買到可說是難上難. 可惜的是香港的地價驚人,收藏的成本多半令人卻步，像我這樣的一個窮酒鬼而言，買到心水名酒已是一年難得一次了。
愛買,但少喝, 似乎是香港人的習慣, 平日返工已工時長, 壓力大, 放工後對自己好一點, 開支好酒與良朋共享實在無可厚非. 所以可能歐洲人會驚訝我們沒有日日作為餐酒飲用的習慣,到反一開便是名酒, 毫不吝嗇自己的荷包. 我就見過意大利人差不多每晚便開一支Chianti 加 Pizza, 當中的享受相信不亞於我們. 我也試過隔日便在家中開支平酒飲, 但自問酒量一般, 不到半支入肚便已舉手投降。葡萄酒又是麻煩的飲料, 明日再飲多半已成了一池死水,了無生氣。試過幾次家中獨酎,每是發悶而回, 之後開酒還是叫三五知己同樂了. 
人們說酒可以是藝術品, 但未入肚始終是書中看晝,得其形而失其義. 最近開酒多了, 多飲一些開始成熟的酒, 發現酒要飲才是皇道!

小序

寫酒實在是一項大工程.葡萄酒自問是初哥,只能有淺薄的見解.
資料性的在此盡量不贅,大家不如上網search 下吧!
我的期望是一星期寫到一篇便己心足了。

關於返工

話咁快返工又差不多一個月, 發現人總是覺得其他人的工是”荀”一點的.
自己轉過幾份工,不知為何同事們多半會”數臭”自己的部門. 最記得的是我上一份工的last day 同一位同事說起前途來, 對方擺出很堅定的眼神對我說:呢個部門唔好,冇前途,又厭惡,你都係早走早著la! 奇怪的是:咁多缺點,佢都可以做左十年八年!
隔離飯真係香的嗎?可能好似性幻想一樣:諗好happy, 做就sadly...
自己做過幾個部門,份份工都有”乞人憎”的地方, 要薪高糧準又要有好上司,好同事,好既工作環境?不如買注六合彩發個夢算!嘴巴又要罵,工又要繼續做.好像不口裡停抱怨自己的男/女朋友時,最常聽到的,不是千篇一律的投訴原因, 而是其他一起在聽訴苦的朋友都一致地在背後說他們:一個願打,一個願挨. 
最近又有新同事”遞信”, 仲要一來便”打孖”, 問她們都是同一個原因:辛苦.可能她們之前的工太輕鬆了,轉變太大,適應不到吧,不過都是年輕人,好話唔好聽,仲有幾十年做, 用不着說:我以後唔會番黎呢個部門! 冇錯, 呢個部門係乞人憎, 但乞人憎既部門實在多如天上星, 除非係生到好似八兩金咁樣,不如試下望望有乜”過得去”既野仲好?引過某網友一句:遇到呢的咁既西野/人,要同自己講,人工包左!
有時都羡慕女人,一句唔做仲有大把人安慰:搵過有錢既嫁左佢就得/你冇所謂la, 有個收入好既老公,做少奶奶得la.
男人就冇呢支歌仔唱,所以工作後有機會就要同老友飲飲酒!

終於考完!

成幾星期唔得閒,日日要温書,真係人都顛.
不過都係覺得自己已經過左可以考試既日子
記性,耐性,集中力都差左
一下子要讀咁多野真係有的難.
不過之後要返工了,到個陣又會掛住上堂既日子
都係啱啱上堂個陣最好,最輕鬆!

意外

真係好耐無寫下野, 呢輪真係發生左好多事:

上年除夕時同自己講過,今年會係一個轉捩點:點知係好既靈(轉新工), 醜既都靈(回復單身), 人生之變化無常, 莫過於此。其實一開始對這份關係已不太有信心,可能是自己缺乏自信吧。但幾年下來,關係日漸穩定,常幻想最後可以走在一起。當然,結局如何,就電影一樣,不看到最後一秒,仍然期待着它的來臨, 令人且看且怕,前半段的引子,又能否帶我們到最後? 看得心裡納悶, 想提早離場,還是堅持到落幕完場? 就上個月看的的奇幻逆緣(Curious Case of Benjamin Button)來看, Daisy 的意外令我驚訝,有點刻意經營的情節令她與Benjamin 走在一起, 那時看得有點不舒服,好像在寶石裡發現了瑕疵。

但今日看了拼命戰羊(The Wrestler)後,發現膚淺的原來是自己。電影本身的情節很簡單:一個過氣的摔角手因病要退出擂台, 本嘗試與女兒和好, 與一位脫衣舞孃發展戀情,但現實令他決定不惜一切再踏擂台。電影有着濃厚的過氣英雄色彩, Randy不顧一切重踏擂台令人覺得他雖可憐但又可敬,戰死也要在沙場,但重踏擂台又得到什麼? 看畢没太多感覺,但意外這東西原來真的會發生: 她竟然坐在我前面,身邊已是另一個人了. 一直最怕的就是這種意外:他們一起的時候,我應該怎面對?笑着對他們打招呼?似乎未放低的是我,還是一完場便趕快離開。

可能初時見到還會心痛,但總算可以死心了, 電影一完,心裡也釋懷不少,人生就是這樣: A series of unknown, 終於覺得奇幻逆緣是一部偉大的電影:愛,有時不一定要擁有, Benjamin 的放手, 我開始了解, 日後會買下這DVD 收藏。

葡萄成熟時

以前喜歡聽這首歌.
記得有這一段:

"日後 儘量別教今天的淚白流
留低 擊傷你的石頭 從錯誤裡吸收
也許 豐收 月份尚未到你也得接受
或者要到你將愛釀成醇酒 時機先至熟透"

剛開始與葡萄酒懈逅之時, 我時常期盼,
新鮮,甜美, 熾熱的葡萄酒
經過歲月的沖洗, 一定會變得芳香醇厚
令人再三回味

就像一對剛開始愛得火熱的情侶般,情濃得化不開,
所有的苦澀都被澎湃的甜美回憶蓋過了,
但能經歷過, 試鍊過後的一對感情最後會細水長流.
平淡但回味

可惜的是葡萄酒和大部份人的感情都一樣
當得不到上天的恩賜, 苦雨綿綿時, 任憑人再怎努力
葡萄酒失去了果味的樁柱, 她的一生很快便劃上了休止符
再等下去她只會淍謝枯萎

愛酒的人常說酒要在成熟時嘗掉,但男女的感情又怎知何時進入另一個階段?
值得等下去的酒有幾多, 值得等下去的感情又有幾多?

關於儲酒

好少係度寫野
返正有長假
亂咁打下字都好

前排飯堂酒聚問起的酒友有幾多支酒
一問起就嚇親我,原來最少個位都有40幾支
於是番屋企望下個酒櫃, 又同自己數下有幾多支
加極都係得廿幾支, 其實真係幾少
識我的朋友都知我鐘意飲葡萄酒, office 度仲已經放左好多cork
但我原來係唔鐘意儲酒.
自己有錢既話當然想買多的, 但地方唔夠始終係死穴.
不過最擔心都係一但買得太多個陣(尤其係好多新酒), 一心諗住想儲
等到的酒成熟想飲個陣,可能身體已經不允許
仲有一樣驚係再大的自己既口味都唔知會唔會變, 會唔會越飲越重口味, 成個Parker 咁
今日買左好多新酒一心諗住等既人(買黎記念用既除外)真係要三思....