2010年9月6日星期一

難覓酒友

自己在一眾酒友中還是年輕的一群(已不情願的被人標籤為八十後), 而不少愛酒人的確是事業有成,或者是一早擁有自己專業的人仕,他們財務早已有點自主權,但對葡萄酒則不會花太多精神研究。平日放工後只想和三五知已吹水飲飲酒便可。一開他們的酒櫃,大概不難理解: Lafite, Latour, Haut Brion 的Bordeaux 大莊, DRC 和Leroy 的各大特級田的酒早已佔據一兩層的酒架,要飲好酒的確不愁。且不提如我等小酒蟲等的小酒櫃和小小收藏,同年紀的朋友和同事(或者八十後的一羣)真的想找個愛葡萄酒的人也十分困難。難道自己的圈子真的那麼窄(這個是最有可能的原因)? 或者飲葡萄酒不過是有錢人的啫好, 仰或是葡萄酒本身真的那麼難令人欣賞?

我曾經問過不少身邊的同事對飲葡萄酒的看法,結果是一半人對飲酒這回事壓根兒沒有興趣,尤其是女同事,大部份都不喜歡飲酒。男同事呢? 即使說喜歡飲酒的人,也對研究葡萄酒沒有興趣,一來認為好酒價錢貴,二來說自己不懂欣賞。 要欣賞好的葡萄酒的確要花多一點功夫去做點研究,起碼要說得出飲到有什麼味道來,不然飲上Domaine Leroy 的酒也只會有一個酸字作結。不過味覺天生,我就不信大家分不到好飲的和不好飲的酒,不然喝上變酸的奶也沒感覺的嗎? 簡單的一點區分,好的酒會多一點味道,入口通常複雜一點,味道的變化亦較大,酒精味會沒那麼明顯,或者一言以蔽之就是喝得舒服,順口,因為酒精/果味和丹寧已經融和在一起了。很多時我們會說分不清楚味道是因為我們沒去細心去品嚐罷,好的葡萄酒要用心感受,這對大部分不懂酒的人又的確困難了一點。不過萬丈高樓平地起,我自己也是從超市的廉價酒飲起的,飲多了開始想試多一點其他地區的品種釀的酒,開始會建立自己的一套對買酒的價值觀,自自然會對心中可以出那個價會買到那一種的酒會心裡有數。

麻煩的是現在大部分即使是懂得一點酒的朋友都想避免服侍酒的步驟,一心只想飲名酒,以為貴價酒一定有質數保證,一開酒塞便以為可以暢飲了,這便大錯特錯,且錯過了飲酒的樂趣。可能是Lafite 太過出名,試過有同事(只聽過Lafite 一個酒莊) 說人一世物一世,要飲就要飲好一點,有機會怎樣也要一試。Lafite 沒錯是好酒,但世界的好酒可其多,你也不願外出食飯只叫一味溏心鮑魚吧? 儘管你樓下的超市的確沒有什麼好貨色,但不代表其他賣酒的地方沒有合你心意的一款吧。香港其實十分幸福,葡萄酒已免了酒稅,好多時來貨價因沒有消售稅的關係酒價可以是世界上最平的。的確有不少酒商會將酒價抬高不少,見過一支Penfolds RWT Shiraz 2005 要賣過千! 但不代表所有的酒都會殺人一頸血,只要肯買多一點,試多一點,雖然失望會多,但找到心頭好的喜悅又是難以令人忘懷。 自己最大的失敗經驗是初買white Burgundy 時以為Montrachet 這塊名田非試不可,便膽粗粗走去買了一箱Jacques Prieur 的 95 Montrachet, 當時一支還要接近2千大元,還以為攞到著數,殊不知Jacques Prieur 的功力原來不濟,一心買名田來試的我心情跌落谷底,自此便痛定思痛,買酒前真的要下點苦功才去買。

我實在不太明白和我同年代的人當中會去用心欣賞酒的人會那麼少。和同事們說我愛飲葡萄酒多半的反應是說我腰纏萬貫,可能他們以為欣賞葡萄酒是大富人家的專享屬受,但可惜的是六合彩頭奬又唔見我中,到現在仍然未有機會一試Romanee Conti。 很難和人解釋自己平時是如果死慳死抵去買一支酒,但相信和我同年而又愛酒的人一定會有深刻的感受。試想想一個浪漫的燭光晚餐裡,你在和你另一半享用着Lamb Rack 的時候,開著一支 90 Grand Puy Lacoste/ 75 Pichon Lalande/ 79 Haut Brion 作伴, 或者在dessert time 時你有 Dr. Loosen 的Urziger Wurzgarten Riesling Spatlese Goldkapsel Auction 07 佐餐會令整個dinner 大大的不同? 好酒的作用不只是它的價錢,而是它令人在和朋友/另一半分享美妙時光時得到升華,感受到俗世間原來還有一點美存在,好讓我們還有動力去面對明天繁重的工作。

買酒(特別在香港)和飲酒一點也不麻煩,也絕不是什麼有錢人的玩意,不要見到唐英年的酒庫便眼紅起來,別人就算有多少名酒也好,也不一定有時間和懂得享受,況且飲酒的是你自己,好不好飲難道要別人管?

2010年8月30日星期一

飲得太暖,飲得太冷

大家一起舉杯暢飲時, 我們會否想到為什麼會飲起酒來?

有時我們在經過一整天的疲勞工作後好想放鬆一下, 有人會選擇去酒吧飲啤酒和雞尾酒。既然都是酒精飲品, 為何我仍然要飲起葡萄酒?要賣醉大口飲威士忌也可以罷,可必那麼麻煩? 既要可惜亦是葡萄酒可愛的地方郤是她有着一顆善變的心,不好好對侍她她可不易一見其真貌。

尤其是最近的炎熱天氣,見到一支支酒友們放在餐桌上預備要開的酒多半是和暖的便心知不妙,酒也不用試便想到即使是LeroyMusigny 一類的好酒也要立即放入冰桶裡急救”, 希望可以起死回生. 那麼熱的酒,可以嘗到什麼味道? 也曾經勇敢試過一次,原來只有一堆酒精味,木桶味,果味都統統跑掉了。紅酒(特別係Pinot Noir 的酒, 還是要15C 才好)多半在太暖的狀態下被飲用了,難怪在vinexpo 裡酒莊的人都將紅酒放進冰桶裡才給我們試飲,而有酒莊主人更表示香港的天氣太熱了,之前一晚放在沒冷氣的大房裡焗了一晚,酒都變得太暖,要趕快把它們涼一涼快才可以給大家試飲。另一位酒莊主人亦說冷飲好過熱飲,因為過冷的酒還可以在杯中等待回暖,一但倒在杯中的酒已經太暖便不可補救。

炎熱天氣下紅酒的問題通常飲得太暖,而白酒則飲得太凍了。太凍的白酒通常會變得無香無味,入口也因太凍而舌頭變得麻痺,而不少人也許(自己有時都會)太懶惰的原故,不肯帶白酒杯,結果好好的一支白酒放到杯中什麼香氣也沒有,要用力搖杯才可出現丁點的酒香,好端端的一支酒就這樣浪費了。其實香檳都有類似的問題,可能認為窄身口的杯是香檳的最佳之選,眼見上千百顆的泡在杯中冒起在視覺上的確有一定享受,可是香檳也是葡萄酒也需要空氣才可以讓它盛放起來,但在這淺窄的杯中就如蛟龍淺水游,只有寄望仍在酒樽裡的酒不要那麼快被人飲完,希望下一口在口裡會有多一點的變化吧!

可能飲用葡萄酒實在太麻煩,與我同年齡/年紀相約的人沒有太多人喜歡飲葡萄酒 (這是一個奇怪的現象,會另文再談)但我認為懂得去賞酒的人在生活裡枯燥極有限,至少他不會只是個只會想放鬆,大啖飲酒但求一醉的人。

2010年7月11日星期日

小奇蹟

已是兩星期多前的事了, 一晚飲了3支酒,都是香檳惹的禍,害我幾乎要醉臥街頭 :

當晚飲了Pol Roger 88 Brut, Pichon Lalande 78 和下面的一支:







計埋這次 70 La Tache 已飲過五次了, 但神奇的地方是這是惟一的一次
用Ah-so 開它可以沒有損壞到cork 上的"1970" 和 "La Tache" 兩字, 而且以condition 計, 它的cork 可是五支酒中保存得最完好的, 可以見到至少3分1的cork 長度仍然見到其輪廓, 沒有發霉.

兩塊ah-so 的鋼片剛剛好放在"La" 與"Tache" 之間, 使人一眼望到這cork 便知是La Tache 1970. 要知道當時的樽身已經有點發霉, 只憑肉眼下Ah-so 時鋼片根本不知道放在cork的那一個位置, 一拔起cork 的一刹, 便知道創造了小小的奇蹟(六合彩又唔見中番次) .

更幸運的是這支La Tache 亦是五支中最有結構的一支, 強勁的丹寧仍在, 要放它個多小時才會飲得平順舒服. 以單一支酒計它的丹寧是過火了, 但一定是最有耐力, 最能表現到 La Tache 的剛強和 70 年的多丹寧的年份特色的酒. 相信這支酒的丹寧是永遠不會褪去的了, 但它強烈的茶香和剛猛的表現仍然留在我心裡. 要感謝和我一同享受這酒的人(雖然是晚所有酒都是由我提供).

朋友

咳一開始有好轉氣色的時候, 一個感冒又打碎了我飲酒的意欲, 不禁要問: 病的終站在何方?


大家對朋友一詞,尤其是在職場打滾了一段時間的人, 基本上都是寧濫莫缺, 就算只是在某同事的生日派對上一個只和你打個招呼的人,你無論如何都會在同事圍起來一起八掛的時候提起(好似好威咁): “我有個朋友呢, 佢係邊個的同事黎架, 佢講個陣我都嚇左一跳…”

可幸從小自己都不是有好多朋友的人,而身邊認識的人大多我都不會叫”朋友”, 反而同事就有一大堆 :放工後大家便互不相干了, 反正明天又會見到, 吹水的話在辦公室也一早完場, 難道放工還要講公事? 我可不是對工作那麼上心的人(公務員心態), 一放工便會想和酒友們飲個痛快, 明天再想工作的事.

不過工作了幾年,朋友們各有各忙, 就算是以前十分熟絡的好朋友也少了聯絡, 出來食飯, 大家的話題總離不開工作, 前景, 和感情生活, 講得多不過是三幅被, 尤其是不斷聽到朋友們呻而家份工點衰點衰, 而最有興趣的問題不外是有没有新女友(有女友的就問幾時結婚), 幾時轉新工, 幾時約下次食飯. 君子之交真的要淡如水才可長久? (落兩匙糖加少少味都得掛?)

最近越來越信邪. 想到好朋友既然是一個偶遇下你與某人結下了一段水洗都唔清的緣份 (好似撞邪咁) , 那麼這個緣份又有没有機會變質, 又或者有沒有一個變質的期限? 飲酒我們經常要講酒的生命周期, 即是要在酒的生命完結之前將酒開掉去喝, 不然只會剩下酒精和水. 那麼朋友的關係又是否最終只剩下止於水的問候和見面?自己和一個不太熟的朋友在一個月內因為一件事而升呢, 成為了好朋友, 這樣的火花又是否如煙花般絢爛但短暫, 會在一瞬間寂滅?

對於朋友我連執著的餘地也沒有, 畢竟大家可以付出的時間太少, 食飯見面不過是對人更新一下自己的狀況, 可以繼續做一世朋友. 但對著夕陽無限好的時候, 是否可以忘掉黃昏將近的事實, 去擁抱一下刹那的永恆? 當好朋友的關係到了某個界線時, 口裡說的是兩脇插刀, 事實是要平淡如水的渡過, 還是要多走一步, 為這恬靜的水激起一點浪花? 雖然浪花最終會歸於平靜, 而平靜後的水可能變了質, 不像以前那樣單純, 但我相信遇到一個好朋友會是一世的事, 真的會打風都打唔甩的。

秘密睡眠

呢輪的咳唔肯清, 連飲酒既心情都無, 是日又唔會講酒

最近再一次挑戰自己的睡眠底線, 原來三小時的睡眠已經可以有精力支持上班, (開始自己呻笨, 平日睡那麼多還是整天釣魚). 沒有足夠精神是預期之內, 但帶着半睡的眼去工作,結果可能和之前一晚係老蘭浦完通頂的狀態一樣: 先前放在一邊的朱古力奶在簽到後便以為俾人攞左 (但係office 一個人都冇),要拿拿淋連入兩粒airwave係口才可回魂.

人地見到我成日番半日走, 又話好眼訓, 正常都會八一八, 好彩天助我也,今個月正世界杯人人中哂老人痴呆症既釣魚咒,四年一潤的藉口正好大派用場: 你知道世界杯四年一次, 無辦法都要夜訓架啦….係試過一次要還番個解釋俾人先講過一次咁大把(仲要係講的唔講的).

秘密這回事沒有永遠, 仲要係越大既秘密越難守住 (當然冇人有興趣我頭上有幾多條白頭髮這個小秘密, 但係你問我係死都唔會同你講), 但感情的宣洩口想封也封不住, 活像妄想在火山口上倒水會阻止它會噴發一樣, 想它冷靜卻是一個強烈的催化劑。

2010年6月14日星期一

遇見

今日唔想講酒住, 不過呢兩星期都好少飲.

兩星期的時間的錯亂, 打開了從沒有想過的可能:

很多已經違忘了的感覺又一一在思海翻騰

心力在幾近要耗盡的時候, 希望就來了.

那時不禁要笑笑自己: 原來還年輕, 還可以亂來一通

是開展了另一個習慣? 還是只不過是添了一分虛妄?

忽然發現自己身在四野無人的原野中, 手上只有一支蠟燭的光伴我同行

找到出路的希望隨着蠟燭的淚流逝, 她的身影郤忽然飄浮在另一方

決了心要往那邊捉住身影, 燭光卻快要熄滅了

此刻禁不住要停下來, 目送着身影遠去

要帶着遺憾的微笑, 還是要送上一絲的祝福?

我決定吹熄了蠟燭, 原來光明是不等於希望的

要繼續在黑暗裹尋找希望, 她的身影.

2010年5月23日星期日

口味之爭

最近在酒論壇中不時有酒友攻擊Ducru-Beaucaillou (DB), 而恰巧有酒友是此酒的fans, 互有挌劍在所難免, 不過似乎正反雙方都仍然堅持己見, 各不相讓, 爭論還會持續下去。自己飲過的DB 不算多, 大約的有: 75,78,79,82,85,88,92,93,95,99,02,04 十二個年份, 只能作一個小小的總結.

以Red Bordeaux 計DB 其實有一定水準, 起碼我覺得特別差的就只有02 (可能是因為太新飲的原故), 入口相當草青, 而其他的年份style 也相當一致, 正如批評的人說: 木桶水 (我覺得木味是多了一點, 但又不致於那麼嚴重). 不過和同在St. Julien的Leoville Barton/ Poyferre/Talbot 計, DB 算是比較穩定的一個, Las cases 價錢多半比DB 高出半級(30%-50%), 質量亦成正比, 要比較有點不理。不過以DB 其中一個RP最高分的年份計(當然RP rating 高不代表一定特別出色, 不過多人用而已), 82年有RP 94分的確令不少酒友大為失望. 聽有酒友說幾年前買82已經要接近一千大元, 現在wine-searcher 最平也要1.6K 了.

約1.6K 的Red Bordeaux 大有選擇, 試過90 Grand Puy Lacoste, 一支應該可以輕鬆擊倒DB 82的酒, 也不過1.3K 而己(不過最近又升了價), 若不怕貴一點, 我最近買的Latour 81 (雖然未飲) 也不過比DB 82 貴2百大元, (雖然不值, 但起碼飲過普通年份5大) 難怪DB 會令這麼多人失望。另一個RP 最高分的年份96 我還未有機會試, 不過相信失望的機會會不小.

若果忘記 DB 82 的名字和價錢, 我仍然會覺得她有接近一千元的物值, 不過同價的酒有太多選擇了, 如果你不是DB 的fans 的話相信你不會付出那高昂的價錢. 說到這裡我好像是一面倒是反DB 的, 不過以價錢計我買過的DB88 物值又的確不俗($550), 比起Montrose, Leoville Barton 和Pichon Lalande 同年份又抵飲了不少, 如果有同樣價錢買到我仍然會買一支半支作飲用.

其實我從來不是DB 的fans, 不過不知不覺在大大小小的酒局中, 總有人會帶DB 出來, 自己不知不覺飲了十多過年份的DB , 現在又說了不少DB 的事, 不免想起有酒友說的一句: 鹹魚青菜,各有人愛, 要比較真的到天光了也未分勝負, 飲酒實在不需要專一 (可能我不是Churchill, 不能明白他為何可以迷Pol Roger 到連酒莊都以他的名字為旗下的top brand) , 遇到喜歡的酒的確是福氣, 但酒的世界太大了, 花畢生精力也只能了解那一點點,還是四處尋幽探秘會快樂一點.

之前我喜愛的Comte Lafon(現在也喜歡, 不過多飲了德白)也曾經被幾個酒友指罵, 初時聽到的確有點不高興, 但想多了便覺無聊,自己的口味要到別人管? 找到知音人更重要, 所以現在我買的德白也只會和某幾位酒友飲了!最近拋磚引玉的有幸試過Selosse Contraste, 雖然罕有,酒身也複雜, 但下了決心不會追買這酒莊 (not my cup of tea) 不過在試其他香檳的同時, 發現香檳是另一個臥虎藏龍之地, 值得花時間(和金錢) 去探索!

酒的世界何其大, 花時間吵個不停還是一起飲酒吧,cheer!

2010年5月9日星期日

Decant or not decant?

開酒之前經常要面對一個問題:這支酒究竟要用多少時間才能展示她真實的一面? 事實又是經常遇到的情況: 新酒太早開, 給她的時間太少, 你只能從遠處探到伊人的背面. 而最可惜的是, 她還未向你回眸一笑, 便已經絕塵而去,與你無緣相見了.

眼前明明是大好酒 , 卻很多時錯過了最好的時機相見, 於是她整晚都將你拒緒門外. 飲葡萄酒好多時就有不少這樣的遺憾, 買上價值不菲的酒, 還要非名牌的不買, 但不少時候就是失望而回:見上不少愛酒的人因為遇到Leroy, 而展開了他的瘋狂入貨之旅. 但就我試過3次Leroy 04 Bourgogne 的經驗看, 只有一次是比較開放的, 香氣有着吸引的泥土和櫻桃芬芳, 但中後段收結短促. 其餘試飲的兩次?不提也罷. 我只知道用800元去買的話便覺不值了. 另一次試的是 98 Margaux, 身為波爾多左岸五大酒莊之一, 總會有點期望, 可惜開酒的時間不足, 苦等了數小時酒身仍然缺乏香氣, 果味一直一沉不起, 差點以為五大酒莊也不外如是.

對名酒失望嗎?可令你失望的酒可多的是呢! 飲葡萄酒可以是相當麻煩的事, 尤其是越有潛力和越有複雜度的酒, 更需要用心和耐性去好好服侍她, 活像高不可攀的大小姐般., 逗得她高興相當困難. 好酒要陳年,亦要好酒才可以陳年, 就是要像養育襁褓裡的嬰兒般, 要細心呵護慢慢看她長成才可. 待她羽翼長成才能一親芳澤。當然, 有時候我們遇到的酒再不是少女年華而是老太婆了, 一下杯, 那種跌打酒般的老酒味一襲過來鼻的感覺一點也不好受, 還記得67年的Montrose, 一早已過了她的盛年,那入口的強烈老酒味還留在我心裡, 但我深知她只有刹那的光輝, 一下杯便要爭取時間大大口飲下去, 再痛苦一點也要盡量飲完. 老酒通常相當多渣, 但要用decanter 除渣的風險似乎更高, 好大可能連一點的老酒味也會散去,只剩下酒精而已. 有酒友們的說法是, 老酒decant 的作用是去渣, 但我總害怕那一丁點的曇花一現也給摧毀掉, 就像Dominus 86 一樣, 開酒的第一口我幾乎以為她是一支St. Julien, 但半個鐘後她便寂滅了,結束了短暫的一生.

新酒又如何? 最有印象的便要數Nicholas Joly Clos De La Coulee De Serrant 2005. 此酒之奇, 連decant了一整日的她也未能完全開放 (是用Chenin Blanc 釀的白酒) 看罷書本對此酒莊的介紹才知新飲用此酒要放上兩至三日decanter 才可! 另一個需要大量吸氣的怪物便是意大利的酒皇Barolo, 無論是新酒或者是老酒都可以對decanter 仲出友誼之手, 最近飲過的89 Gaja Barbaresco 便早開了一日再加4小時decant 才可一展其真貌, 82 的Prunotto Barolo Cannubi Riserva 也要開了5小時才能盛放, 98的 Giacomo Conterno Cascina Francia 開了5小時加3小時decant 才開始慢慢上山, 可惜是走到了一半便已經飲完了.對於遲一點會有機會試的Giacomo Conterno Monfortino 98, 我保守估計要一星期前開才能望到她的背影! Giacomo Conterno莊主之前用 95 Monfortino做過的實驗, 表示要2星期才能完全將她盛放!

有酒友說酒尤其是Burgundy 的酒不可decant, 因為會令她的香味快速散去, 但事實又證明開新酒, 即使是Burgundy, 在不夠時間飲用的情況下, decant 的確是一種較為快捷和放便的serving 方法 (例如Ponsot Clos de la Roche 2002, decant 後明顯的開放,但仍然保持到她的結構), 即使我仍然認為decant 好像拔苖助長, 會令酒衰老得太快. 我同意decant 是雙頭針, 雖能傷人,但也會傷己. 飲到現在我發現好難對所有酒一既而論下一個decant 時間, 畢竟遇到盛開的酒是要有一點運氣的 (老酒有大bottle variation, 飲過兩次Pichon Lalande 75,Haut Brion 79 , JL Chave Hermitage 83 都有大大不同的表現), 當然事前要去理解一下年份特性 (好年要多一點時間開放, 差年要快飲), 估計酒的成熟度和地區/提子的特色, 經驗和運氣缺一不可!

以下我嘗試整理一下要不要decant 的酒 (舊年的多半不用)
Red Bordeaux: 新年Decant 也沒有用, 試過太多不愉快的例子, 等多10年吧!
Red Burgundy: 新酒一開好tannic 和alcoholic 時不妨一試.
Rhone (Hermitage/ Cote Rote): 同Red Bordeaux差不多….02 是Rhone 一般年份, 但La Mouline 和 JL Chave Hermitage 但仍然要等多10年
Chateauneuf-du-Pape: 新年好多酒都偏大舊, decant 是必需. Domaine de la Janasse 04 VV, Clos des papes 03 都需要數小時decant.
Barolo/Barbaresco: 好難找一個最適當的decant 時間, 新或老酒都可以decant 長時間但仍然緊閉, 新酒若果一定要開來一試的話建議早開數天並準備decanter.
記住那一年是好年 (71/78/82/85/89/90/96/01/04), 若果要開的話要再早一點開(即使是老酒), 此時經驗是最重要的, 每日嘗一點去決定那一日最開放也是一個辦法.
Brunello di Montalcino: 飲的經驗少, 但不建議decant, 以保留香氣. Biondi Santi 95 也要早一日開, 不知她的Riserva 75/70 要開多久?

2010年3月26日星期五

戀上萊茵. 莫色(七)

J.J. Prum (Mosel), Prum 係繼Muller 後我另一愛莊, 好就好在佢地連基本既Bulk Kabinett 都做得有水準, 佢地既style 偏向steely , nose 汽油味好重, 果味/甜黎得比較輕而mineral/ acidity backbone 好solid. 佢地的酒好多時要age 番咁上下先出到個真身, 就算係Spaltese 都係咁話! 暫時飲過最抵飲under $400 既德白, 最好最有structure 既應該係佢既Wehlener Sonnenuhr 04 Spatlese! Must Buy!



最近飲過佢既Graacher Himmelreich Auslese 04 都好好, 4百幾值得一試!
Selbach Oster (Mosel)

另一個Mosel 大莊, 淨係試過佢的Zeltinger Sonnenuhr, structure 一般的,甜度會偏高, 但個價都唔係太貴, 可以一試.


Donnhoff (Nahe)



呢隻鐵馬係Nahe 都肯定係最top. Donnhoff 既 top site 係 Oberhauser Brucke 同 Niederhauser HermannshohleFlagship 係 Oberhauser Brucke 既Eiswein, 飲過佢00 Eiswein 同 06 BA 都相當不俗, slate 味都幾出, 有大莊風範. 但試過幾次佢唔同年既Spatlese 都係一般貨色, 同佢的Auslese 差好遠, 睇黎買佢都係要俾多的錢!呢個莊都係未試到令我心動既酒, 但個人prefer 佢多過Fritz Haag (Auslese or above)
Side track 少少講下: Nahe 的年份同Mosel 好唔同, 06 Mosel 會差的但Nahe 又未必係, 佢支Oberhauser Brucke Riesling Auslese Goldkap 06 又好過Muller 支同年Auslese wor, 但價錢就Donnhoff平的! 所以年份呢的野真係唔好咁簡單去conclude, 德國有好多酒區, 就算同一年Mosel 同 Saar 都可以有唔同.

Schlossgut Diel (Nahe)


另一個Nahe 大莊, 飲過一兩次都冇乜大印像, 但有書話佢支dry white cuvee victor (made from blend of Pinot Gris and Pinot Blanc aged in new barriques) 係好野!



Robert Weil (Rheingau)

主要既site 有 Kiedricher Grafenberg 同 Kiedricher Turmberg 淨係試過佢 Kiedricher Grafenberg 05/06 Auslese, 感覺唔錯05 好過06, 初步認為會較Mosel 的酒厚身, 甘味較多, 冇咁refreshing. Pontx 都有好多佢的酒,有的係dry white (trocken) 黎,但價錢唔平, 佢的Eiswein 同BA/TBA又係天價!
Gunderloch (Rheinhessen)

佢主要既site 係 Nackenheim Rothenberg,



要注意係佢BA/TBA 個label 係唔同既


佢的Spaltese or below真係普通到你飲完都冇印象, 就算係Auslese 01/07 都係得01 好少少. 試過 02 BA 又係失望, 得個甜字(但有人話佢支98好飲). 書話佢的Rothenberg trocken 係唔錯既, 其實佢07 Auslese goldkap 都ok, 如果有平都可以一試!


Keller (Rheinhessen)
Keller 反而最想試既反而係佢既dry Riesling 同 Pinot Noir (Spatburgunder)
評價都好好, 特別係右手邊個支Felix!


我對佢支dry Riesling G Max 都好有興趣, 成千一支dry Riesling 可以有幾得? 如果有人搵到唔該通知聲!

戀上萊茵. 莫色(六)

酒莊短打:
Von Schubert (Ruwer)




係Ruwer 區既其中一個star, 飲過3款, 印象ok, 偏masculine, Abstberg 係 top site, Herrenberg 次之.
試過呢三款:
Max Grun, Von Schubert Abstberg Auslese, Von Schubert 94
Max Grun, Von Schubert Abstberg Auslese Cask 145 01Max Grun,
Von Schubert Herrenberg 05

Egon Muller (Saar)

Muller 肯定係king of Germany 亦都係我最鐘意既德白酒莊, 暫時我都未搵到可以有any replacement or any rival so far. 如果要做German wine classification 既話, Muller 就應該係1st great growth, 自成一class, 亦只有一個酒莊, 同滴金一樣.佢既酒相信亦都係overall 黎講係德白最貴既, Kabinett 已經可要成3百幾, Spaltese around 6百 (其他酒莊都係around 3百), Auslese 已經過千, TBA 一支750ml 要成3萬! 價錢可以比既白酒就只有DRC 既Montrachet / Coche-Dury 既Corton-Charlemagne (仲要係dry white). Y’qeum 都要行埋一面.

Muller 其實係Saar 既 Scharzhof (derive from a Latin word: newly cultivated land ), 唔係heart of Mosel 裡面,身處既terrior係黑色岩板為主, 飲佢地的酒會個人感覺比Mosel 區較solid 一點, 而酸度同果味真係係度踩鋼線, 兩邊高得黎又一的都冇搶過另一邊. 清爽既甜度又有razor sharp 既酸度包住, finishing 仲有物出, 絕對係pearl of Germany! 仲記得飲過佢07 Scharzhofberger Auslese, 個種震撼係好多酒都比唔到, 同埋佢個陣菠蘿味係signature, 好少Riesling 有咁既味. 但幾時先有$$ 試到佢既Auslese Goldkap BA/TBA/Eiswein?

另一個Muller 係德國既出品, 係Muller 租Le Gallais酒莊既Wiltinger Braune Kupp 呢塊monopole,好少見, 價錢/質數同佢既主打 Scharzhofberger 都有距離, 但都好想試下!




都飲過少少Muller 既Spatlese/Auslese, Spatlese 試過03-07Overall :05 >04 > 07 >>06 > 0305 係perfect vintage, 亦係最貴但酸度亦最高, 04 mineral 好出, 成個palate 包住,有少少 small scale of Auslese 既感覺. 07 好多人都話係German great vintage, 但飲完就覺同 04/05 有一段距離, good but not great, 甜度稍高一點. 06 收割時Saar 有hailstorm, 所以的酒骨架不足, 偏watery. 03 係大熱年, 亦係最平既, 酒預左偏甜同冇乜acidity, 但呢個價錢又係冇投訴!
Auslese 淨係試過 97, 06, 07 (Auslese 開始貴, 小弟窮買唔起)Overall :07 >> 06 > 97

Fritz Haag (Mosel)Fritz Haag 有兩塊top site, Brauneberger Juffer-Sonnenuhr 係最好, 其次係 Brauneberger Juffer (係唔同田黎)個人覺得佢的酒既style 好易please 到大家, 會油感較多, 相信飲開chardonnay 既人會較易接受佢(難怪美國人咁鐘意!), 陳年後佢會有好大陣既燒膠味出 (新酒breath 耐的都會有呢隻味). Overall 平均水準高, Bulk wine 好飲過Loosen ,但暫時仲未飲到佢一支好好飲既出品, 佢支07 Brauneberger Juffer-Sonnenuhr BA 太新, 05 Brauneberger Juffer-Sonnenuhr A Goldkap 就closed 左!




Dr. Loosen (Mosel)我誤會左呢個莊好耐, 試過佢好多隻新年份既bulk wine 真係冇乜邊支好得, style 好commercial, 的甜味個人覺得有少少 artificial tim! 但其實佢係好似Burgundy 咁有分1er cru 同grand cru, 佢的1er 就麻麻地, 但grand cru (Erdener Pralat) 就得la!一定要提呢支:



07而家飲會太新但好明顯睇到佢同其他田既分野! Red slate soil, Bravo! 仲有係佢既Wehlener Sonnenuhr 06 TBA 都相當不俗




SMELL/NOSEINTENSITY = MED (+), DEVELOPING (發展緊複雜性香氣, 假以時日, 還會更好)

AROMA : 好強既蜜糖 (阿佛講係野花蜜添) + 菊花, 果皮 (有些少甘甘地味)/橙皮, 帶有少少荔枝 & 白蘭花, 臨尾果下再聞, 雪梨味開始緊追返上去.

PALATE中厚, SWEETENESS = LUSCIOUS, ACITDITY = MEDIUM +雪梨, 蜂蜜, 吉仔, 少少玫瑰籽, 果皮 (味道帶甘), LENGTH – 帶有幾長既香甜花香向口中浪下浪下…


點會唔少得呢支:




TN:


integrated and well balanced sweetness, acid and mineral, taste like they alternate on the palate . It got a taste of lemon, citrus peel then evolve to 菠蘿冰, follow with a light 甘油 taste . The mineral and acid lingers on and on for minutes...bringing you up into the heavens


係呢度順手講下佢的田點記/讀

病卡思偷的板岩(Bernkasteler Lay)- The Slate of Bernkastel

瓜柴的天空國 (Graacher Himmelreich)- The kingdom of Heaven

威能的日規 (Wehlener Sonnenuhr (VAY-len-er ZON-en-ooer) )-The Sundial of Wehlen

魚之家的香草園(Urziger Wurzgarten - 或音譯 魚之家‧烏郊藤)- The spice garden of Urzig

大地的梯階(Erdenner Treppchen)- The little staircase of Erden

大地的主教(Erdener Pralat)- The Bishop of Erden

戀上萊茵. 莫色(五)

講得咁複雜, 但German 好既wine region 唔多, 釀酒區亦算集中, 但其他地區既酒我飲得少, 所以呢度主力講Mosel (莫色)



可以見到好多係Mosel 既vineyard 都係長命斜同埋係沿河建成, 佢既斜度令到日常耕作同管理相當困難, 有唔少田日久失收而荒癈, 亦試過有工人係工作其間命喪於此!



Ernst Loosen (Loosen 個莊主) 有次到Chapoutier 既Cote Rotie vineyard 度參觀 (Cote Rotie 的 vineyard 已經係出名斜), 佢仲係度話: “Do you think it is steep? It is like a holiday to me!” 不過正正係由於Mosel 既vineyard 有 steep slope (日照時間耐的), good drainage 同 rich slate 既關係, Mosel 的酒都有strong mineral, racy, lime 同好refreshing 既特質, 有時仲會飲到有陣石春味! 有的Mosel 酒新飲個陣attack 會有的bubbles, 有少少似飲緊賓(個的係發酵剩餘的carbon dioxide), 但當支酒breath 夠後, 的mineral 開始出, 又會再似番飲緊賓, 真係好過癮!

戀上萊茵. 莫色(四)

要詳細少少知道真係個莊今年出左乜貨仔, 真要睇下Gault Millau Wine Guide, 裡面有詳細既分數!(呢本係德文既German wine guide!英文版多數outdated)

大家可以去 http://www.vdp.de/en/auctions/ 望下每年vdp 有乜 Auction 貨, 你就知道好多好野原來去左Auction 度!最衰既係的莊仲要分goldkap(左圖), long goldkap(右圖,通常係auction 貨)



有時仲有 “*” 係label, 小圓貼( Auction 貨) 係個樽身度. 淨係睇label 都係唔夠, 我有時都好confusing! 所以要識德酒, 個人認為比布更難! 簡單黎講Goldkap 係Reserve version, 始終係同一個甜度裡面有個range , 係陽光好的個邊的田可以就算係Auslese 都可以做到近BA 既甜度! “**” 個作用都係一樣去細分!



Important Wine Region:



Mosel (Mosel係條河, 範圍好大, 07年以前呢區的label上面係Mosel-Saar-Ruwer)



Nahe



Rheingau



Rheinhessen



Pfalz


2010年3月23日星期二

戀上萊茵. 莫色(三)

要知道德酒的label 其實分得好仔細, 由莊, 名, 田, 甜度, 連AP (lot) number 都有齊!
以下係一個好簡易既example:



2. The Winery / Estate, 3. The Varietal 4. The Ripeness Level of the Grapes Used5. The Vineyard 6. The Growing Region or Appellation 7. VDP Logo 8. The government approval number or the AP #

最想講下係 4. 同 8. 好多人以為 TBA/ BA/ Eiswein 係德白最好. 冇錯佢地係最貴同最rare, 而TBA/BA 更加係受過botryris 侵蝕過, 甜度係高但唔代表佢地一定好飲! 要知道德白酒上寫既係提子甜度, 唔係酒既residual sugar ,我見過有的唔知乜東東既TBA 半支賣兩三舊真係要小心, TBA 可以係其他grape (Chardonnay/ Huxelrebe ) , 更加可以係收提子唔係自家田, 人地Egon Muller TBA半支要成萬你話呢的可以有幾好?不如買番的好莊Spatlese 仲好, 要甜點解唔飲糖水?

至於AP no. 真係玩死人, 其中一個例子係Dr. Loosen 既 Urziger Wurzgarten (漁之家的香草園)大家睇唔睇到有乜分別?



一個AP no. 係 2 576 162 23 08
另一個係 2 576 162 59 08
咁即係點? 呢兩支酒既提子都係來自同一塊田, 但其實兩支係唔同lot 既貨!想像一下個情況: 假如 Lafite 一年收既提子分開唔同批次入樽, 有2005年Lafite Lot no.1,lot no.2, lot no.3 咁, 你話係咪玩謝人?但仲有一樣野衰 ,呢lot 貨係唔同酒莊又有唔同意思,例如Donnhoff 既 Oberhauser Brucke Riesling Eiswein,


lot no (99 之前個兩個數字) 就係解harvest date, 但唔係遲的就好的.係Loosen呢個case 大no. 個支係auction 貨, 採自vineyard 裡面既百年老樹, 每年只有3-400 支, 支支都有獨立編號. 價錢差2倍, 但質素當然唔只 !德國的酒莊其實好精打細算, 有的靚既一lot harvest 都可能會獨立bottle, 同埋佢地會將做得最好個的去拍賣, lot no. 唔同就係想同街鋪買個的貨有分野!

不過唔識解唔緊要, Auction 貨好少見, 係街買到唔同AP no 既機會都好低, 你可能話既然咁難買, 知黎都冇用, 但有好多人有咁既誤解:以為德白好多平野,質數好普通, 好的就要買TBA, 但又會嫌太貴, 又唔知係乜黎, 出咁既錢不如買支滴金好過!起碼人地有機會知! 不過只要俾的心機搵, 其實有好多好野, 都唔一定淨係要買Egon Muller 既(雖然佢係最top)

戀上萊茵. 莫色(二)



要提德白一定要講Riesling, 雖然德白仲有好多其他野, 例如Muller-Thurgau (Rivaner), Grauburgunder (Pinot Gris), Weißer Burgunder (Pinot Blanc), 但始終係Riesling 最重要!German Riesling 係好perfume 既grape, 新飲會有的peach, lemon, zesty, mineral. 但aged 左會有一陣gasoline 味, 又係的唔係人見人愛既味!不過正正係佢酸度高, 所以age 好耐都冇問題! 平平地一支Kabinett 3-5 年都ok, Spaltese 好年已經可以10-20年以上. Auslese 或以上隨時長命過我地! 仲記得Jancis Robinson 飲支1949 JJ Prum Auslese Goldkap 仲話still very lively and refreshing! (我都好想試!).



係度一定要講下點serve 德白, 好多人以為新飲兩三百貨仔即開ok, 但飲完又話好甜唔好飲, 咁就大錯等錯! 德白新飲係ok, 因為佢通常都冇oak, 就算新開都唔會成口木味, 最多會覺得佢甜左的. 但唔好唔記得佢有成10-20年命仔架, 而家飲唔等佢一兩個鐘等佢的酸度出黎真浪費左! 我試過飲Muller Auslese 07 要3個半鐘先到peak, 飲德酒既耐性係絕對唔少過紅酒! 如果真係唔夠時間, double decant 佢都係一個選擇! 仲有由於德白係用sulphur stop fermentation 既 (所以的酒精可以咁低) , 有時一開會有的sulphur 味係好正常, breath 一陣應該會散!

飲德白可以好簡單, 淨睇莊見到好價就買, 當然有唔少酒友行過酒鋪都有機會見到有德白賣, 但一見到個label 就真係頭痛! 德文我又唔識, 見到都唔知點買. 就算同一個莊的label都可以睇到你頭暈,田又多又唔同甜度!

戀上萊茵. 莫色(一)

戀上萊茵. 莫色

要講德白真係大工程, 小弟都係開始學飲, 好多酒都未飲過
所以係呢度都係抄野同吹水成份多, 得少少叫係分享下, 不過見到有多左酒友對德白有興趣(但奇怪平就多人要, 貴的就冇人理), 小弟就試下厚住面皮係度寫小小野咁, 希望大家唔好見笑!
太資料性既野好悶, 可能有的都會上堂有讀過. 我係呢度都會少講,懶得打



開始飲酒都有試過的德白, 雖然好多都唔太impressive, 但已經感受到佢既好處:低酒精(通常低過10%, Spatlese 已經可以低到得7.5%, 而BA/TBA 可以低到得6.5%), 有refreshing 既酸度同最最最重要既係有的甜! (女士至愛!) 好多時出黎飲野十支好可能八支係紅, 冇錯如果大部份都係老酒既話係可以飲得好舒服, 但就係欠缺一支畫龍點睛既白!而小弟認為一支Kabinett/ Spaltese 做餐前, Auslese/Aulese Goldkap 做餐後就真係一流!

可惜既係有唔少酒友(特別係男)都唔好甜, 而佢既低酒精更加成為佢既一個大缺憾 (冇酒味,似糖水)! 其實開始飲多左德白, 小小經驗覺得佢係白酒裡面最高QPR 既! So far 成千銀都飲到的唔好既白布, 但三幾百就已經買到支唔錯既Spatlese/Auslese ! 有時想買的fine 既德白都唔易: 唔係淨係難搵, 係想搵的過5百幾Auslese 都已經唔多! 當然好多Eiswein /BA/TBA 都係天價, 個的係另一回事了!


2010年2月20日星期六

2009年品酒回顧(三)

2009年品酒回顧(三)

飲到年尾終於搵到好飲既red Bordeaux! 講起飲紅波真係一匹布咁長! 相信好多鐘意飲Wine 既人都經歷過: 一枱朋友出來飲酒, 最少一半係紅波, 仲要係新年份既! 初時新牌仔, 唔識野, 對住的名好響, 又難讀得個名既乜乜Chateau XXX, 就算覺得唔好飲都唔敢出聲, 驚死人笑你唔識欣賞. 但陳年既真係另一回事! 有的酒友都係唔多鐘意aged 既紅波既, 話老婆婆個個差唔多樣wor, 不
過宜家的 o靚模咪又係咁! 大部份我真係唔識分!


三支好飲既紅波: No.1: 79 Haut Brion, No.2: 75 Pichon Lalande, No.3: 90 Grand Puy Lacoste.
支79 係我第一次飲既1st growth, 真係名不虛傳! 有的野係其他second growth 始終比唔到你既! Smoke, tobacco, silky finishing .於是 75 就只可以做阿二, 雖然佢已經係相當好飲 a classic Pauillac with pencil shaving mid-palate! 至於第三位既GPL , 同前兩位差得遠了, 但第一次飲到支好既GPL! (仲好過82)

最後要提既係法紅另員一猛將, Rhone 是也! Rhone 都飲過一些,平既好多其實物值相當高, 但有的貴既一係唔易搵(產量少), 一係已經比人抄起 (例如 Pegau cuvee de capo). 新年份既又未到適飲期, 不過好彩都試到唔少,真係要多謝唔少酒友! 簡易來說, 北Rhone Cote Rotie 最aromatic , Hemitage 最robust, 多peppery 味, 南Rhone 飲得Chateuneuf-du-Pape 比較多, 發覺中藥味/herbs 味重, 多半not my taste.


但支Rayas 就做得最refine 同feminine, 的酒友話佢似Burgundy, 但而家新年份多數Burgundy 都做得唔似佢! Big, ripe dark fruit 既新派野都同我冇緣. 支98 Rayas 三個鐘不斷變化, 輕柔得黎有strawberry同 peppery, 而家飲都相當不俗。另一支Cuvee Laurence 89 都係另一支出色之作! 而家飲正值頂峰時期, 比Rayas 更複雜 . Pegau 出支de Capo 之前一定係買佢, 就算係佢既90 Cuvee reserve 都係一般!
Hermitage 不能不提J L Chave. 試過 80,83,97. 都係83最好! 83 試過兩次, 兩支同一lot 貨但完全係兩支酒. 一支黎得好輕, 好subtle, 但另一支就好爆, 好fruity. 但兩支都好飲 (個莊話以前的bottling 時間可以相差好遠, 所以有分別) 最後的一支Rhone 係Chapoutier Cote Rotie La Mordoree 94. 胡椒加花香,真係好吸引! 雖然94 唔係好年, 但呢支飲得最smooth, 最合時飲! 都試過佢93,95. 93 係爛年水的但都可以接受. 95 好年最有potential 但仲要等 (呢支RP 的分最高). 又一次證明高分唔一定而家最好!

最後要提係09年飲過既兩支酒:


67 Chapoutier Hermitage 同 89 G. Roumier Chambolle Musigny
支67 買個陣真係搏一搏,過左咁多年支酒死左既機會都幾大, 但一開一的都唔覺得有問題, 仲飲得好舒服! 雖然structure 簡單的, 但呢個價真係冇投訴!
G. Roumier的酒越來越貴, (其實好多Red Burgundy 都係)試過新年份: 02 Chames Chambertin 同 03 Amoureuses 都唔覺impressive. 仲以為呢個又係另一個被過分吹捧既莊. 呢支都叫比多最後一次機會俾佢(唔通要買佢Musigny 先好飲?) 好彩都冇失望! 一支village wine 都有咁既表現, 仲想點? 雖然冇新年份既果香, 但陳左真係好飲! 我仲係好懷疑新年份個的年紀大左會唔會有咁好?

後記:
好耐先完成到呢三篇回顧, 本來想講下唔鐘意飲乜, 但我在第一篇已經大略提過, 唔再詳細寫下去了, 自己心裡有數便可以!
下個目標係寫德白! 亦係我近期至愛! 相信係最抵飲既白酒!

2010年1月25日星期一

2009年品酒回顧(二)

年頭真係大鑊, 中左Burgundy 毒, 一開始買便不能自拔!Leroy, Ramonet, Lafon, Roumier, 一見有好價便買! 好可惜的是未能中劇毒, 便不停中地雷!

Leroy 都叫飲過十幾款, 由04 Bourgogne 到 01 Clos de Vougeot 都試過(仲有 VR Beaux Monts 95, Gevrey-Chambertin Les Combottes 95, Pommard Les Vignots 93等) 香氣係的確吸引, 有香水, 玫瑰, 乾花等, 難怪Leroy 有咁多fans 追她的酒! 而家佢的酒已經升到天價, 個個有佢的酒既人都想佢快的兩腳一伸, 等的酒價可以再上高峰! 以自己淺薄飲Leroy 的經驗計, Leroy 没錯整體水準絕對係一級, 但以物值計又的確輸十個一皮! 佢最貴的Grand Cru 未試過, 但以價計真係大把選擇!
呢支98 唔駛一千, 表現出Leroy 既温柔細緻, 值回票價!




白布既兩大金剛Lafon 同Ramonet 都仲係我既white Burgundy 至愛! 好多人話Lafon 貴, 唔值, 不過我認為佢始終irreplaceable, 飲過好多其他white Burgundy 莊, 但Leflaive 重木, Coche- Dury 仲貴, 其他好多酒莊都oaky, 大舊,爆, 但我到依家都未飲到一支Lafon 係咁! 點解係Lafon 要比人話? Vintage 對酒的影響好大, 好多Red Burgundy 又可嘗不是? 一支00 clos de la barre 飲過幾次, 都俾人狂鬧, 但2000/03的white Burgundy 唔通又會好好飲?人既口味難道也要被人邊緣化? 定係冇人有興趣了解vintage character ?

支Goutte d’or 04 雖然用既係新樹, 但mineral 同acidity 完美地包容一起, 相對佢的clos de la barre 更平易近人, 是令人心動的酒。不喜愛lafon 既人沒有口福了!




如果話Lafon 係”女性”既酒Ramonet 就係男性, 強勁有力但不失elegance and finesse, 濃厚既果味有着充足的酸足度包裹着, 活像踏鋼線一樣, 深得不少酒友們喜愛。可惜的是一酒難求,支04 Bienvenue Bartard Montrachet 都係好難先搵到呢個價, 支酒仲好新, 但包含着香濃既芝麻桶香同強勁既酸度, 令人印象難忘!

另一支95 Boudriotte 就有好大variation. 不過有酒友亦提到Ramonet 既bottle variation 好大. 同一lot 貨, 第一日返貨即開個支反而最好飲最開放!初時有的lemon favor, 之後有的nuts ,同甘香 緩緩包住, 第一次覺得老白布係好飲! 可惜係其他個的都係唔多開!我都係buy bottle variation (特別係老酒)緊要過bottle shock!

Arnaud Ente 係另一個rising star, 支blue wax capsule (05 referts) 真係做得有誠意!可惜再試佢另一支Meursault (Goutte d’or 05) 就好失望, 又係木桶水一支!





上年真係少飲左意大利, 唔係因為佢唔好, 係太多新酒都far from ready! 老酒難搵, 價錢又唔平, 真係可遇不可求! 本來上年飲過支Biondi-Santi Brunello di Montalcino 81 riserva 係可以放入呢度做好酒名單, 但同一時間試兩支一支得一支麻麻, 同埋成2k 一支, 如果都唔得既其實說不過去, 好極有限。 但呢支95 普通版本反而有驚喜,等左4個鐘先開, 睇住佢不停咁變, 又不過個係riserva 40%價, 令我重新認識Brunello 呢種酒, 個陣泥味真係可以好吸引! 飲多左, 好體會到意大利造酒既哲學: wine for food, 個style 好一致, higher acidity, dry finish, more masculine, 由Piedmont 到 Sicily 既都係一樣!

另一個意酒皇牌Barolo 真係好難搞! 飲新酒好多真係攞黎搞! 可以真係乜味都冇! 試過82 Borgogno Barolo Riserva 82, 開左4個鐘頭再落decanter 都仲係好硬淨! 另一次係Ceretto Bricco Rocche 98 要成12個鐘先開!呢支Aldo Conterno BAROLO VIGNA COLONELLO 79 就真係開得剛剛好! 即開個幾鐘已經到頂, 好有dried rose, petrol 既typical Barolo aroma, 下個目標係Gaja 的酒!

呢次講住咁多先,下次繼續!