有冇試過去McDonald 同收銀講: 我要最貴個個餐呀，唔該! 可能收銀個位都唔知點應你好，叫你自己睇餐牌la。又有冇試過去波鞋街買鞋同個sales 講， 同我攞全場最貴個對鞋俾我睇!Sales 可能淨係識回應你， 阿先生，著開幾號鞋呀 (都唔知攞乜俾你試)? 聽落呢的好似好荒謬，但我真係係酒鋪見到有人一到就同sales 講: 你們最貴的酒賣多少錢?我要買下! (當然出自祖國同胞們的口) 。
暫時唔講佢地既消費能力有幾得人驚住， 有一次試過同一班朋友到有葡萄酒點的酒吧飲酒， 還好葡萄酒單上的酒多半是 “大路” 貨色， 市面不難找到，我本來想隨便點一款不太貴的氣泡白酒作消暑用(當時是夏天)，但有朋友一聽到是白酒， 又唔係香檳 (常見的白酒歧視)，價錢又不貴是大約 $2xx 的不知名Prosecco ， 好似覺得咁多人分， 唔叫支貴的既好對唔住自己又會慌死會蝕底咁，同我講， 不如叫呢支la， 跟住手指指住支wine list 上面最低個行個支， 眼見是Château Lynch Bages 2003， 我心中不禁打了個突。怕的不是那mark up 3倍的價錢， 這種mark up 在酒吧是等閒事， 怕的是在酒吧短短的兩小時裡我們見到Lynch Bages有幾多分的臉? 現場的酒鬼不少，相信不用半小時這樣新的波爾多列級紅酒便會被清理得一乾二淨， 難聽一點說句， 我寧願落樓下wellcome買支yellow tail or wolf bass yellow label 會開心一點， 反正飲落口分別不大。
當下我好想笑提議點那支酒既朋友， 因為佢完全唔識葡萄酒，只係見到價錢貴便叫， 我係盡量俾面朋友，唔好當面話佢唔識唔好亂叫酒，而又唔想浪費支Lynch Bages 的情況下，我直指cloudy Bay 的 Sauvignon Blanc 2008， 大約 $6xx，話，“不如呢支ar， 係New Zealand 幾出名，都幾好飲gar，果香夠又好易入口，我都好想試下! “的情況下終於順得哥情得嫂意，大家飲得開心。
飲葡萄酒最緊要開心， 容易開放， 果味較多的的新年份平價紅白酒多半較易在開瓶後較短的時間變得平易近人。 Lynch Bages 是好酒一支， 姑勿論她現在的酒價太貴與否，要欣賞一支上等的列級波爾多紅酒的確要花多一點時間。要知道下次和朋友再去點葡萄酒淨飲的話， 紅酒不妨選支light body 的 beaujolais/pinot noir， 如果嫌不夠”味道” 話可以選澳洲的Shiraz; 白酒可以試New Zealand 的Sauvignon Blanc， 而意大利的Prosecco 也不錯。 總之能短時間內能”餵飽”一眾酒蟲而又令他們飲得滿意的話便是一大成功。用餐的要點的酒可是另一大學問， 要另文再講了。
