話咁快返工又差不多一個月, 發現人總是覺得其他人的工是”荀”一點的.
自己轉過幾份工,不知為何同事們多半會”數臭”自己的部門. 最記得的是我上一份工的last day 同一位同事說起前途來, 對方擺出很堅定的眼神對我說:呢個部門唔好,冇前途,又厭惡,你都係早走早著la! 奇怪的是:咁多缺點,佢都可以做左十年八年!
隔離飯真係香的嗎?可能好似性幻想一樣:諗好happy, 做就sadly...
自己做過幾個部門,份份工都有”乞人憎”的地方, 要薪高糧準又要有好上司,好同事,好既工作環境?不如買注六合彩發個夢算!嘴巴又要罵,工又要繼續做.好像不口裡停抱怨自己的男/女朋友時,最常聽到的,不是千篇一律的投訴原因, 而是其他一起在聽訴苦的朋友都一致地在背後說他們:一個願打,一個願挨.
最近又有新同事”遞信”, 仲要一來便”打孖”, 問她們都是同一個原因:辛苦.可能她們之前的工太輕鬆了,轉變太大,適應不到吧,不過都是年輕人,好話唔好聽,仲有幾十年做, 用不着說:我以後唔會番黎呢個部門! 冇錯, 呢個部門係乞人憎, 但乞人憎既部門實在多如天上星, 除非係生到好似八兩金咁樣,不如試下望望有乜”過得去”既野仲好?引過某網友一句:遇到呢的咁既西野/人,要同自己講,人工包左!
有時都羡慕女人,一句唔做仲有大把人安慰:搵過有錢既嫁左佢就得/你冇所謂la, 有個收入好既老公,做少奶奶得la.
男人就冇呢支歌仔唱,所以工作後有機會就要同老友飲飲酒!
